يبچني الوكيت نوابات..

يبچني الوكيت نوابات نوبه ونوبه يخنگلني يروح النفس مني يضع وتظل ظلوعي توجعني **** يعذبني على فارغ بال يستنگي البلاوي ثگال يحط بي الجروح سلال مثل خيالي يلحگني. يبچني الوكيت نوابات نوبه ونوبه يخنگلني **** مثل مرتّْ الابوي وياي يسأل وين رايح جاي ويتعمد يغثي بهاي بوكاحة القصيد يقهرني يبچني الوكيت نوابات نوبه ونوبه يخنگلني **** يدور كل فتگ مريوف شگه وگال هاي زورف أسكت والعيون تشوف بعماده يريد يفضحني يبچني الوكيت نوابات نوبه ونوبه يخنگلني **** تنيته وگلت هسه يتوب تمرجل بالوكاحه النوب يريد يشوفني المصيوب ذليل ورايد يذلني يبچني الوكيت نوابات نوبه ونوبه يخنگلني **** گلت هيهات اطلخ راس جمعت الحيل وي الباس ومطلة وشهديت الناس صاح ارجوك بس هدني يبچني الوكيت نوابات نوبه ونوبه يخنگلني يضع النفس مني يروح وتظل ظلوعي توجعني **** بقلم… علاوي الشمري