تنيتك ياجرح

تنيتك ياجرح بلچن
تنام الليل
وتخلي الجروح تنام
بس لحظه..

منك هل الگلب غرگان
بالطعنات
و مزروع بغيابك ولك
بس شظه..

بعد شتريد احجيه
بصراحة وياي
كل هاي الجروح تگول
مو الخطه..

رضض بالظلوع وبعد
حيل انخاك
ودگهن حيل بالهاون
مثل مضغه..

العلب بالگلب وتمرجل
ع الطاح
ودبچ ع الصدر بطوله
و بعرضه..

ولك صيح بصوت عالي
ارجوك
گول انا الگتلة وبيدي
مو غلطه..

العلب حيل لاتگوف
بعد شتريد
مومات اليحبك خاف
ماترضه..

انا ادري الكلب من حبك
بلا راي
وكل حبك حبيبي
وداعتك غلطه..

طلال الشمري
العراق..